Housing Developers & Projects

لاہور | ریاض حسین، ری نیوز پاکستان الواسع بلڈرز کے ڈائریکٹر محمد واسع نے کہا ہے کہ کمپنی مؤثر تعمیراتی انتظام، اخلاقی کاروباری اصولوں اور پائیداری کو مدنظر رکھتے ہوئے اعلیٰ معیار کی رہائشی اور کمرشل عمارتوں کی تعمیر کے لیے پُرعزم ہے۔ 'ری نیوز' کیساتھ گفتگو انہوں نے کہا کہ میں کمپنی کی ترجیحات بیان کرتے ہوئے محمد واسع نے کہا کہ الواسع بلڈرز کا مقصد ایسی عمارتیں تعمیر کرنا ہے جو صارفین کی ضروریات پوری کرنے کے ساتھ ان کی توقعات سے بھی بڑھ کر ہوں۔ انہوں نے تعمیراتی معیار، عمارتوں کی افادیت اور ماحولیاتی ذمہ داری کو کمپنی کے طرزِ تعمیر کے بنیادی عناصر قرار دیا۔ محمد واسع کے مطابق کمپنی تعمیراتی میٹریل کے انتخاب سے لے کر کام کی تکمیل تک ہر مرحلے کی کڑی نگرانی کرتی ہے۔ انہوں نے کہا کہ جزئیات پر توجہ دینے کا مقصد تعمیراتی معیار برقرار رکھنا اور اس امر کو یقینی بنانا ہے کہ مکمل ہونے والی عمارتیں اپنے مقررہ استعمال اور ضروریات کے مطابق ہوں۔ انہوں نے کاروباری معاملات میں دیانت داری، شفافیت اور جواب دہی کی اہمیت پر بھی زور دیا۔ ان کا کہنا تھا کہ یہی اصول صارفین، کاروباری شراکت داروں اور معاشرے کے ساتھ کمپنی کے تعلقات کی بنیاد ہیں اور تعمیراتی عمل کے دوران باہمی اعتماد قائم کرنے میں مدد دیتے ہیں۔ منصوبہ بندی کے حوالے سے محمد واسع نے کہا کہ الواسع بلڈرز ہر صارف کی مخصوص ضروریات کے مطابق اپنے منصوبوں کو ترتیب دینے کی کوشش کرتا ہے۔ رہائشی منصوبوں میں آرام اور روزمرہ زندگی کی سہولتوں کو ترجیح دی جاتی ہے، جبکہ کمرشل منصوبوں میں ایسی کارآمد جگہوں کی فراہمی پر توجہ مرکوز کی جاتی ہے جو کاروباری سرگرمیوں اور پیداواری صلاحیت کو بہتر بنائیں۔ انہوں نے کہا کہ کمپنی کی تجربہ کار ٹیم ایسی عمارتیں اور جگہیں تیار کرنے کے لیے کوشاں ہے جو عملی ضروریات پوری کرنے کے ساتھ خوش گوار اور متاثرکن ماحول بھی فراہم کریں، جبکہ ماحولیاتی ذمہ داری کو بھی پیشِ نظر رکھا جائے۔ محمد واسع نے الواسع بلڈرز پر اعتماد کرنے والے صارفین کا شکریہ ادا کرتے ہوئے کمپنی کی ذمہ داریاں پوری کرنے کے عزم کا اعادہ کیا۔ انہوں نے کہا کہ الواسع بلڈرز کے ڈائریکٹر کی حیثیت سے میں ہم پر اعتماد کرنے پر آپ کا شکر گزار ہوں۔ انہوں نے مزید کہا کہ کمپنی معیاری عمارتوں کی تعمیر اور صارفین کی توقعات سے بڑھ کر نتائج فراہم کرنے کے لیے اپنی کوششیں جاری رکھے گی۔