Property Dealers & Agencies

اہور | ریاض حسین ری نیوز پاکستان ڈی ایچ اے اسٹیٹ ایجنٹس ایسوسی ایشن لاہور کی سالانہ اور آخری اے جی ایم کا انعقاد ڈی ایچ اے فیز فائو کے مقامی ایونٹ ہال میں ہوا جس میں ڈی ایچ اے کی ڈیلرز کمیونٹی کی کثیر تعداد نے شرکت کی۔ تلاوت قرآن مجید اور نعت رسول مقبول کے بعد ڈائریکٹر فنانس اقرار اعوان نے سالانہ آڈٹ رپورٹ پیش کی۔ ایوان میں رپورٹ پر کچھ اعتراضات پیش کیے گئے اور کچھ سوالات اٹھائے گئے جس سے ماحول میں کچھ تلخی پیدا ہو گئی مگر ایسوسی ایشن کے آ ئند ہ انتخابات میں صدارتی امیدوار اور سفاری اسٹیٹ کے سی ای او مقرب وڑائچ اور نے مداخلت کرتے ہوئے کہا کہ چھوٹے مسائل میں الجھنے کے بجائے کمیونٹی کو درپیش اصل مسائل کی طرف آئیں۔ اس کے بعد صدارتی امیدوار کے لیے لگائی گئی بی اے کی شرط کے معاملے پر ہاؤس میں بحث کا آغاز ہوا ۔ یہ بحث لگ بھگ دو گھنٹے تک جاری رہی ۔سابق صدر ایسوسی ایشن میاں طلعت و دیگر گروپس کے رہنماؤں نے مطالبہ کیا کہ صدارتی امیدوار کے لیے گریجوایشن کی شرط ختم کی جائے۔ اس بار جنرل سیکرٹری ایسوسی ایشن شاید محمود نے بی نسبت تفصیل سے کچھ قانونی نکات پیش کیے۔ گریجوایشن کی شرط کے ایشو پر بنائی گئی آربٹریشن کمیٹی کے اراکین سے بھی سٹیج پر بلا کر سوال جواب کیے گئے جن کے انہوں نے خندہ پیشانی سے جواب دیے۔ سوال جواب کا سلسلہ جاری رہا جس سے ماحول کافی ماحول میں کافی فرما گرمی بھی دیکھنے میں آ ئی۔ اس بدمزگی اور افرا تفری کے ماحول میں صدر ڈی ایچ اے اسٹیٹ ایجنٹس ایسوسی ایشن ذیشان احسن بٹ سٹیج پر آ گئے۔ انہوں نے مختصر تقریر کی اور اس شرط کو ختم کرنے کا اعلان کر دیا ۔ اس کے ساتھ ہی ماحول میں بدمزگی اور افر تفری کا ماحول بھی ختم ہوگیا۔ان کے اس دانشمندانہ اقدام کو خوب سراہا گیا اور ان کیلئے ہال میں زبردست تالیاں بجائی گئیں۔ تقریباً چار بجے اختتام پذیر ہونے والی اس اے جی ایم کے بعد شرکاء کی پرتکلف کھانے سے تواضع بھی کی گئی ۔